Трамп и Шји се договориле Кина да не испраќа воена опрема во Иран

Кина се согласи да нарача 200 авиони Боинг, изјави американскиот претседател Доналд Трамп во интервју за Фокс њуз.

Американскиот министер за финансии на САД, Скот Бесент, претходно изјави дека очекува најава за голема нарачка на „Боинг“ за време на посетата на Трамп на Пекинг и разговорите со кинескиот лидер Шји Џинпинг.

„Едно од нештата за кои се согласи денеска е дека ќе нарача 200 авиони. „Боинг“ сакаше да продаде 150, тие добија 200“, изјави  Трамп цитиран од „Фокс Њуз.

Американскиот претседател откри и некои детали од разговорот со кинескиот претседател Шји Џинпинг за Иран и Ормуската Теснина. Според него, Шји му рекол дека Кина нема да испраќа воена опрема во Иран и дека сака клучниот воден пат да остане отворен.

Шји рече дека нема да му дава воена опрема на Иран, рече Трамп, оценувајќи го тоа како „голема изјава“.

Американскиот претседател Доналд Трамп и неговиот кинески колега Шји Џинпинг вчера се согласија во Пекинг дека Ормуската Теснина мора да „остане отворена“, објави претходно Белата куќа.

„Двете страни се согласуваат дека Ормуската Теснина мора да остане отворена за да се гарантира слободниот проток на енергентите“, се наведува во соопштението на Белата куќа.

МИА