Трамп: Ормуската Теснина е исчистена од мини, секој што ќе постави нови ќе биде уништен

Сите мини во меѓународните води на Ормуска Теснина се активирани или отстранети и на Иран му е соопштено дека секој брод или чамец што ќе поставува нови мини ќе биде уништен, изјави денеска американскиот претседател Доналд Трамп.

Во објава на својата социјална мрежа „Трут соушл“ (Truth Social), Трамп напиша дека САД преку Вселенските сили го набљудуваат секој сантиметар од Ормуска Теснина.

„Ќе има политика на нулта толеранција кон поставувањето мини, која ќе се спроведува со целосна сила и ефикасност“, додаде американскиот претседател.

Иако САД и Иран веќе неколку недели не разменуваат напади, нападите врз бродови во Ормуска Теснина продолжуваат додека двете земји се борат за контрола врз клучниот поморски коридор.

МИА