Трамп откри повеќе детали за американскиот систем за воздушна одбрана „Златна купола“
Американскиот претседател Доналд Трамп вчера откри повеќе детали за планираниот заштитен штит за воздушна одбрана на земјата, или „Златна купола“, наменет за одбивање дронови и проектили, пренесе ДПА.
Трамп рече дека системот вреден 175 милијарди долари ќе биде „целосно оперативен пред крајот на неговиот мандат“. Вториот мандат на Трамп треба да заврши во 2029 година.
Златната купола ќе се интегрира со постоечките одбранбени способности во САД, рече Трамп.
-Откако ќе биде целосно изградена, Златната купола ќе биде способна да пресретнува проектили дури и ако се лансирани од другата страна на светот и дури и ако се лансирани од вселената, додаде тој.
-Ова е многу важно за успехот, па дури и за опстанокот на нашата земја, нагласи Трамп.
Според него, Канада изразила интерес за учество во проектот.
Трамп потпиша извршна наредба, насловена „Железната купола за Америка“, за да го започне проектот само неколку дена по неговата инаугурација во јануари.
Оригиналната Железна купола е израелски ракетен штит, дизајниран на почетокот на 2000-те за пресретнување ракети со краток дострел, како и гранати и минофрлачи.
Ново на Сител
-
Приведен 19-годишен кумановец, возел со 91 километри на час на место каде е дозволено 40
-
Трамп го продолжи рокот за трговски договор со ЕУ до 9 јули
-
Кривична за поранешен директор и раководител на М-НАВ, го оштетиле буџетот за 1,4 милиони денари
-
АЕК: Непочитувањето на навивачите е непочитување и на АЕК
-
РК Алкалоид: Огромна благодарност за поддршката, не по наша вина, финалето не се одигра
-
Фон дер Лајен: Европа е подготвена за брзи и одлучни разговори со САД
-
Папата Лав Четиринаесетти официјално го презеде епископскиот престол во Рим
-
Претседателката Сиљановска - Давкова на аудиенција кај папата Лав 14 и на средба со италијанскиот претседател Матарела