Тренерот на ПСЖ најми телохранители поради смртни закани

Тренерот на францускиот фудбалски првак ПСЖ, Кристоф Галтие, ангажираше телохранители да се грижат за неговата безбедност, откако доби смртни закани мотивирани од, наводно, негови расистички коментари, јавија денеска светските медиуми.

Весникот Паризиен наведе дека поранешниот спортски директор на Ница, Жулиен Фурние, го обвинил Галтие дека во својот тим не сакал да има муслимани и црномурести фудбалери.

Изјавата на Фурние предизвика бурни реакции во Франција, а Галтие, кој беше тренер на Ница од 2021 до 2022 година, ги отфрли сите обвинувања.

Британскиот весник Дејли Мирор пренесува дека телефонскиот број на Галтие бил обелоденет на социјалните мрежи, а тренерот на ПСЖ повеќе од 5.000 поради во последните 24 часа, вклучувајќи и смртни закани.