Уапсен поранешниот министер за одбрана на Црна Гора

Поранешниот министер за одбрана на Црна Гора и поранешен пратеник на Демократската партија на социјалистите, Предраг Бошковиќ, утрово е уапсен по наредба на Специјалното државно обвинителство, како дел од истрагата против криминална група организирана од бизнисменот Александар Мијајловиќ, соопшти обвинителството.

Со одлука на истражен судија, бизнисменот Александар Мијајловиќ и поранешниот полицаец Драго Спичановиќ се притворени до 30 дена, патните документи на обвинителката Андријана Настиќ се конфискувани, а на полицаецот Владан Лазовиќ и поранешниот полициски службеник Милован Павиќевиќ им е изречена мера задржување во стан. Ова за порталот RTCG го соопшти советникот за односи со јавност на Високиот суд, Ивана Вукмировиќ

Неофицијално, тие се товарат за работа против безбедносниот систем и создавање криминална организација.

Специјалното државно обвинителство сè уште не се огласило во врска со ова прашање.

МИА