Убедлива победа на Шкендија во дуелот со Беласица

Фудбалерите на Шкендија ја забележаа првата победа во новата сезона совладувајќи ја Беласица со 4-1.

Шампионот  играше без својот најдобар играч Ибраими  кој одмораше за средбата од ЛШ со Розенборг .  Шансата ја искористи Емини кој блесна со хет-трик  и најави многу голови во продолжението од домашното првенство.

Интересно Беласица прва го отвори резултатот по грешката на голманот Реџепи и прецизниот удар на Вусљанин.

До крајот на првиот дел Емини и Жуниор обезбедија целосен пресврт додека во вториот дел по убавите нафрлувања од левата страна Емини биеше убаво со глава за да во финишот реализира и пенал за конечни 4-1 за домашниот тим.