УЕФА ќе го тужи Инфантино

УЕФА ќе поднесе тужба против претседателот на ФИФА, Џани Инфантино, за „нелојално управување“ поврзано со неговиот неуспешен план да продаде дел од комерцијалните права на мундијалските турнири на приватни инвеститори.
Раководното тело на европскиот фудбал оценува дека Инфантино „предизвикал директна и конкретна штета на угледот на ФИФА“ со својот неуспешен проект.
Во документ од 60 страници, до кој дојде агенцијата АФП, а пренесуваат дел од светските медиуми, УЕФА посочува дека има намера да го тужи Инфантино за „нелојално управување“, кривично дело казниво со затвор до пет години.
УЕФА го темели својот случај на планот на Инфантино да ги пласира приходите од Светското првенство во компанија отворена за приватни инвеститори, што ФИФА го откри кон крајот на јули како начин да го „отклучи комерцијалниот потенцијал“ на своето водечко натпреварување.
УЕФА во овој план гледа „всушност обид дизајниран да им овозможи на Инфантино“ и „мал круг блиски соработници“ – вклучувајќи го и Џошуа Кушнер, зет на американскиот претседател Доналд Трамп – „да стекнат траен удел и да профитираат од највредните средства на ФИФА, на штета на ФИФА, нејзините членови и други засегнати страни во фудбалското семејство“.
Во своето барање, европското тело се потпира особено на критиките од Карлос Кордеиро, инвестициски банкар кој стана советник на Џани Инфантино, кој поднесе оставка откако го опиша договорот како „лош договор за фудбалот“.
МИА
Ново на Сител
-

Мицкоски: Од длабок минус дојдовме до точка нула - од сега очекувам само раст и поинтензивен развој
-

Зеленски: САД презентирале опција за повлекување на Украина од Донбас во замена за членство во НАТО
-

Николоски: Се повеќе патници на аеродромите во Скопје и Охрид, ги срушивме сите рекорди како резултат на паметните политики
-

Неуспешен тест на „СпејсЕкс“ со ракетата „Старшип“, првиот сегмент на ракетата заврши во морето
-

АХВ: Почна дистрибуцијата на вакцините за болеста сипаници кај овци и кози до ветеринарните друштва
-

Николоски: Делницата Извор-Врбјани наскоро во функција, автопатот Кичево-Охрид до мај целосно завршен
-

Од утре задолжително поседување зимска опрема за возилата
-

Куба се подготвува за можна воена агресија, изјави претседателот Дијаз-Канел
