Украина соопшти дека неутрализирала 203 од 236 дронови што Русија ги користела за напад во текот на ноќта

Украинските воздухопловни сили соопштија дека нивната противвоздушна одбрана соборила 203 од 236 дронови што Русија ги користела за напад врз Украина во текот на ноќта, објави украинската новинска агенција Укринформ.

Се наведува дека нападите со дронови започнале вчера попладне по локално време и дека до 8 часот наутро денеска, 203 дронови биле соборени или блокирани во северна, јужна и источна Украина. Користени се околу 150 дронови „Шахед“.

Украинската авијација, противвоздушните ракетни сили, силите за електронско војување, беспилотните системи и мобилните противпожарни групи на вооружените сили на Украина учествувале во одговорот на нападот. Се соопштува за 32 напади со дронови на 18 локации, како и за паѓање остатоци од дронови на осум локации.

МИА