Украина учествуваше во вежбите на НАТО против дронови во Летонија

Украина учествуваше на вежбите на НАТО „Балтичка доверба 2026“, одржани од 3 до 14 август во Летонија, а се фокусираа на борбени операции против беспилотни летала, објави денеска на Телеграм Генералштабот на украинската армија.

Тие маневри собраа околу 650 војници, експерти и претставници од индустријата од 24 земји за да ги тестираат новите технологии во услови слични на оние што се среќаваат на теренот во Украина.

Учесниците тестираа комплексен систем против беспилотни летала што им овозможува на системите за откривање дронови, системите за команда и контрола и уредите за неутрализација да споделуваат податоци и да го координираат нивниот одговор.

ГШ на украинската армија соопшти дека вежбите биле наменети за евалуација на технологиите во оперативни услови, идентификување на нивните ограничувања и подобрување на нивната интеграција со цел зајакнување на колективните одбранбени способности.

MИА