Украинската служба за безбедност го класифицира масовното убиство во Киев како „терористички напад“

Украинската служба за безбедност го класифицира вчерашното масовно убиство на цивили во Киев како „терористички напад“, објави Укринформ.

Маж вчера убил шест лица во украинскиот главен град пред да биде убиен од полицијата. Според најновите податоци, најмалку 14 лица се повредени. Покрената е прелиминарна истрага. Според достапните информации, злосторството го извршил маж роден во 1968 година во руската престолнина Москва со легално регистрирано огнено оружје.

Истражителите разгледуваат неколку верзии за мотивите на напаѓачот, објави украинскиот претседател Володимир Зеленски во своето вечерно видео обраќање, цитиран од Укринформ.

Зеленски истакна дека напаѓачот го запалил својот стан пред да излезе на улица и да почне да пука.

Мажот, кој долго време живеел во регионот Донецк, сега едно од „жариштата“ во војната со Русија во источна Украина, е обвинет за злосторства, додаде Зеленски.

МИА