Велика Британија соопшти дека нејзините бази на Кипар нема да се користат за воени операции против Иран

Велика Британија нема да ги користи своите воени бази на Кипар за операции против Иран, изјави портпарол на кипарската Влада, повикувајќи се на информации од телефонски разговор меѓу британскиот премиер Кир Стармер и кипарскиот претседател Никос Христодулидес.

„Британскиот премиер повтори дека безбедноста на Кипар е од фундаментално значење за Обединетото Кралство и за таа цел е донесена одлука за зајакнување на средствата што придонесуваат за веќе воспоставените превентивни мерки. Премиерот нагласи дека британските бази на Кипар нема да се користат за никакви офанзивни воени операции“, рече портпаролот.

Ирански дрон „Шахед“ предизвика штета кога погоди објекти во британската воздухопловна база Акротири во јужен Кипар на 2 март годинава, а беа пресретнати уште два дрона. Оттогаш не се пријавени други инциденти поврзани со безбедноста.

Велика Британија ја врати контролата врз две бази на островот откако тој стекна независност во 1960 година.

MИА