Вкупно 18 членки на ЕУ поднеле барање за исплата на средства од одбранбениот механизам САФЕ
До истекот на крајниот, синоќа на полноќ, формално барање до Европската комисија за позајмици за заеднички набавки за потребите на одбраната од механизмот „Безбедносна акција за Европа“ (САФЕ), поднеле 18 земји членки на ЕУ, соопшти ЕК.
Механизмот САФЕ располага со вкупно 127 милијарди евра, кои можат да се користат во форма на заеми за финансирање на набавки за потребите на одбраната. Покрај членките на блокот, можност за аплицирање за средства од САФЕ имаат и држави кои не се дел од Унијата, но кои имаат склучено договори за безбедносно и одбранбено партнерство со ЕУ, меѓу кои е и земјава.
Листата од 18 земји кои поднеле барања за позајмици ја сочинуваат Белгија, Бугарија, Грција, Естонија, Италија, Кипар, Летонија, Литванија, Полска, Португалија, Романија, Словачка, Унгарија, Финска, Франција, Хрватска, Чешка и Шпанија. Вкупната вредност на поднесените барања за финансирање од земјите членки изнесува 104 милијарди евра.
Еврпската комисија стравуваше дека земјите членки нема да ги искористат сите достапни средства, проценувајќи дека ќе бидат поднесени проекти во вкупна вредност помеѓу 75 и 100 милијарди евра. Од тие причини, еврокомесарите за одбрана и за финансии, Андриус Кубилиус и Валдис Домбровскис испратија писма до земјите членки со кои ги повикаа да аплицираат за искористување на достапните средства за заеми.
Преостанатите 23 милијарди евра од механизмот САФЕ дополнително ќе може да ги искористат земји кои досега не аплицираа за позајмици.
Апликантите имаат рок до ноември до Брисел да достават детални планови за тоа како ќе ги потрошат средствата за кои аплицираат.
Доколку не бидат искористени сите предвидени средства од САФЕ, за распределба на преостаната сума следната година со нови проекти ќе можат да аплицираат и оние земји на кои ќе им бидат исплатени заеми.
МИА
Ново на Сител
-
Возач на 59 години и две сопатнички на 55 и 71 години се загинатите од Тетово во сообраќајната несреќа
-
На ГП „Табановце“ за влез и излез се чека 45 минути
-
Во стан во Велес пронајден мртов маж
-
Ангелов со апел за внимателност за Илинденските празници за да не се предизвикаат пожари
-
Кривична за гостиварец кој објавувал приватни фотографии со сексистички содржини од лажен профил
-
Три лица загинаа во тешка сообраќајка на автопатот Скопје - Тетово
-
ОЈО Битола доби нов Истражен центар за борба против најтешките и најсериозните облици на криминал
-
Николоски: Клучната разлика меѓу оваа и претходната влада е што сега се испорачуваат резултати, откочени се проектите од коридорите 8 и 10