Во АНБ се следеле комуникации на новинари, јавен обвинител, поранешен министер, но и премиерот Мицкоски

Новинари, обвинители, министри и опозиционери биле следени од претходното раководство на Агенцијата за националана безбедност. 

Извори од институцијата брифираат дека по спроведена темелна истрага откриена била мала група од 10тина вработени кои во периодот од 2019та до лани, буквално ја киднапирале АНБ, а ресурсите ги користеле за личен интерес и пресметки со неистомисленици. Дел од групата е еден поранешен директор на АНБ, но и високо позицинирано лице во агенцијата. 

Во АНБ се воделе белешки и се следелe комуникациi на новинари кои од претходнотo раководство се сметале за непријатели на државата, со оправдување дека нивната крајна цел била уривање на власта. Ресурсите на АНБ биле користени и за пресметка со еден јавен обвинител, еден министер од поранешната влада на СДСМ, но и со тогашниот лидер на опозицијата а сегашен премиер Христијан Мицкоски. Се користеле сите можни средства за незаконско следење на нивните комуникации, брифираат од АНБ  

Ресурсите на агенциијата се користеле и за да се издејствуваат мерки притвор во одредени судски процеси, но и за тенденциозно кочење на постапките за доделување безбедносни сертификати, каков што беше примерот со поранешниот пратеник Драган Ковачки за кого минатата година СДСМ тврдеше дека бил одбиен од НАТО за добивање на ваков сертификат. 

За сите овие злоупотреби од АНБ велат дека се известени и јавни обивнители. Досега се поднесени три поединечни предмети до нив, но агенцијата нема информации какви мерки се превземени.

Агенцијата за национална безбедност  ја следи безбедносната сосотојба во државата и во пресрет на изборите, преку формирање на оперативна акција „Избори 2025“. Иако досега нема безбедносни закани по изборите, од АНБ брифираат дека во поширока смисла утврдено е дејствување на странски служби од регионот, кои покрај тоа што прибираат информации, имаат и своја пропаганда.

Македонија се соочува со хибридни активности, за поткопување на јавниот интерес се формираат организации кои дејствуваат во културниот, општествениот и медиумскиот простор, велат од АНБ од каде како пример за ваква хибридна активност е основачот на бугарската фондација Македонија, Виктор Стојанов кој има и забрана за влез во земјава. 

Обиди за странско мешање и поттикнување на помасовни протести АНБ детектира и по трагедијата во Кочани, кои велат дека се успешно сузбиени.