Во Јапонија, одложени и откажани летови поради исчезнување на ножици од продавница

На терминалот на новиот аеродром „Читосе“ на севернојапонскиот остров Хокаидо, викендов 36 летови беа откажани, а 201 одложен, откако исчезнаа ножици од продавница во близина на патеката до влезот кон авионите.
Ножиците не беа пронајдени во саботата – денот кога исчезнаа, но безбедносните проверки на терминалот беа прекинати во саботата, утрото, на околу два часа. Потоа патниците мораа повторно да минат низ целиот тој процес. Летовите продолжија во вечерните часови.
Ножиците биле пронајдени следниот ден во самата продавница.
Министерството за земјишта, инфраструктура, транспорт и туризам побара од аеродромот во Хокаидо да ја истражи причината за исчезнувањето на ножиците и да спречи тоа да се повтори.
„Веруваме дека ова се случи како резултат на недоволно сигурните системи за складирање и управување во продавницата. Ова е инцидент што можеше да биде поврзан со киднапирање или тероризам и ќе работиме на зголемување на свеста за важноста на управувањето“, соопштија од аеродромот.
Корисниците на интернет го пофалија одговорниот потфат на аеродромот, како потврда за довербата во безбедноста на воздушниот сообраќај во Јапонија. Аеродромот „Читосе“ е еден од најпрометните во Јапонија, а во 2022 година низ него минале повеќе од 15 милиони патници.
Ново на Сител
-

Сиљановска-Давкова за Денот на албанската азбука: Единството нема да ги негира, туку ќе ги респектира различностите
-

Мицкоски: „One Stop Shop“ системот ќе го олесни транспортот и ќе ги доближи Македонија и Албанија
-

Руските загуби во Украина се неодржливи, се приближуваат до размери од Втората светска војна
-

Неуспешен обид за средба Трамп – Ким: Северна Кореја поставила неприфатливи услови
-

Пронајдено тело на шестгодишно дете кое паднало во реката Рибница во Подгорица
-

Променливо облачно време со сончеви периоди, од понеделник заладување
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
