Во Рио де Жанеиро се одржува 17 Самит на БРИКС
Во Рио де Жанеиро денес и утре се одржува 17-тиот Самит на БРИКС, на кој ќе земат учество претседатели и премиери на земјите-членки и на земјите-партнери.
На Самитот ќе се дискутира за неколку клучни теми: поделотворен систем на плаќање на БРИКС за унапредување на трговијата и инвестициите; инклузивно и етичко раководење со вештачката интелигенција (ВИ); климатска агенда за рекалибрирање на политиката за финансирање на климата; поинтензивна соработка во јавното здравство; глобална реформа на мултилатералниот мировен систем и за активностите за подобрување на институционалната структура и кохезија.
На Самитот во Рио ќе присуствуваат претседателот на Бразил, Лула да Силва, претседателот на Јужна Африка, Сирил Рамафоса, како и индискиот премиер, Нарендра Моди.
Од друга страна, претседателите на Кина и на Русија, Си Џинпинг и Владимир Путин, нема да бидат физички присутни. Си Џинпинг поради други обврски, а Путин поради издадениот налог за апсење од страна на Меѓународниот кривичен суд. Сепак, двајцата лидери ќе се обратат преку видео конференција.
Руската делегација на Самитот во Рио ќе ја предводи министерот за надворешни работи, Сергеј Лавров, а кинеската – премиерот Ли Чанг.
Земји членки на БРИКС се Бразил, Русија, Индија, Кина, Јужна Африка, Египет, Етиопија, Иран и Обединетите Арапски Емирати, а во јуни годинава се приклучија и Индонезија и Виетнам. Земји-партнери се Белорусија, Боливија, Куба, Казахстан, Малезија, Нигерија, Тајланд, Уганда и Узбекистан.
БРИКС плус со 20 земји сочинува 44 проценти од глобалниот бруто домашен производ и 56 отсто од светската популација.
Ново на Сител
-
Инфалцијата во март намалена на месечно ниво, зголемена на годишно ниво
-
Купиле амфетамин во Скопје за да го продадат во Кавадарци
-
Македонскиот професор Чапаровски станува активен член на Светската академија за неврохирургија
-
Алиу: Граѓаните дадоа фантастични идеи, за недела-две ќе имаме одговори за нивните забелешки за здравствените установи
-
Четиристотини невработени лица ќе бидат ангажирани за превенција и справување со пожари
-
Орбан: Украина ги засилува нападите врз Унгарија поради противењето на нејзиното членство во ЕУ
-
Уапсени три криминалци од Куманово барани со потерници за затворски казни
-
Орце Ѓорѓиевски кандидат на ВМРО-ДПМНЕ за градоначалник на Скопје