Волф: Ферари ќе биде силен во Спа и во Монца

Претседателот на Ф1 тимот Мерцедес, Тото Волф верува дека во следната трка Ферари ќе биде посилен отколку на последното Гран-при во Унгарија.

Според него, патеките во Белгија и Италија повеќе одговараат на италијанскиот тим.

– Ферари има многу моќен мотор, а карактеристиките на машината се такви што може да бидат силни во „Спа“ и во „Монца“. Не се сомневам дека ова ќе бидат сосема различни трки од претходните. За нас тоа ќе бидат тешки патеки, затоа мора да работиме на нашите недостатоци за да бидеме конкурентни на патеката „Спа“.

Во Белгија ќе се вози на 1 септември, додека трката од Формула 1 шампионатот за Големата награда на Италија во Монца е закажана за 8 септември.