Вселенскиот брод „Прогрес МС-28“ лансиран во орбитата

Вселенскиот брод „Прогрес МС-28“ полета од Бајконур и беше лансиран во орбитата. Летот до Меѓународната вселенска станица се очекува да трае околу два дена.

Вселенскиот брод треба да се поврзе со модулот „Ѕвезда“ в сабота.

„Прогрес МС-28“ до Меѓународната вселенска станица ќе испорача 2.621 килограми товар, вклучително 950 килограми гориво, 420 литри вода за пиење, 50 килограми компримиран азот во шишиња, како и околу 1.201 килограми разновидна опрема и материјали.

Тоа е трето лансирање годинава на вселенско летало „Прогрес МС“и петто лансирање на ракетата од космодромот Бајконур.