Завршена е реконструкцијата и рехабилитацијата на дел од булевар „Гевгелија“ и натпатникот на улица „Железничка“ во Гевгелија

Завршена е реконструкцијата и рехабилитацијата на дел од булевар Гевгелија и натпатникот на улица Железничка, во должина од 550 метри. Со овој проект се изврши темелна санација и модернизација на патната инфраструктура, со што се создадоа значително подобри услови за движење на граѓаните и возилата низ овој важен сообраќаен правец, објави премиерот Христијан Мицкоски на својот фејсбук профил.

Додава дека инвестицијата од 25.721.284 денари, финансирана од Владата овозможува комплетна реконструкција на коловозот, изведба на нови асфалтни слоеви, санација на оштетените делови, поставување нови рабници и подобрување на сообраќајната сигнализација.

-Дополнително, извршено е нивелирање на шахтите, со што се обезбедува поголема безбедност и комфор при движењето на сите учесници во сообраќајот, пишува Мицкоски и додава дека овој проект е од огромно значење за локалната заедница, бидејќи значително го подобрува сообраќајниот проток, ја зголемува безбедноста и го олеснува секојдневното функционирање на граѓаните.

МИА