Зеленски бара од САД да купи пет отсто од американските залихи на ракетите за системите „Патриот“

Украинскиот претседател, Володимир Зеленски, побара од САД да и продадат на Украина најмалку пет отсто од ракетите-пресретнувачи што ги имаат на залиха за системите за противвоздушна одбрана „Патриот“, со цел да се спротивстави на зачестените руски напади со балистички ракети.

Во интервју за американската телевизија„ Си-Ен-Ен“ Зеленски изјави дека Украина во моментов добива само еден отсто од американските ракети-пресретнувачи за „Патриот“.

„Оваа година Украина има два и пол пати помалку пресретнувачи отколку во 2025 година, додека Русија секој месец има двојно повеќе балистички ракети отколку порано“, изјави Зеленски.

Тој побара од американските партнери да и продадат пет отсто од ракетите-пресретнувачи што ги имаат на залиха.

„Ако ни продадат пет отсто, ќе ја преживееме зимата и ќе спасиме луѓе“, рече украинскиот претседател.

Русија последниот период речиси еднаш седмично изведува напади врз Киев со балистички ракети. Во нападот извршен ноќта на 5 август во кој загинаа 17 лица, украинската противвоздушна одбрана не успеала да пресретне ниту една од 28-те истрелани руски балистички ракети.

МИА