Зеленски: Русија за една недела лансираше 2.100 дронови

Претседателот на Украина Володимир Зеленски денеска изјави дека Русија лансирала околу 2.100 дронови со долг дострел за една недела „во обид да ја осакати економијата и да ги уништи животите на луѓето“ во Украина.

Зеленски наведе дека Русија лансирала и околу 1.700 наведувани воздушни бомби и 78 ракети од различни типови.

Што се однесува до масовните руски воздушни напади во текот на изминатата ноќ, Зеленски рече дека цели биле енергетскиот сектор, железницата, претпријатијата и домовите.

Нападите биле насочени кон Одеса и бројни региони во западна Украина, додаде Зеленски, наведувајќи дека руските напади имало и во Волинија, на северозападот на земјата близу полската граница.

- Токму за да се спречи понатамошно ширење на овие напади, врз Европа, украинските мажи и жени секојдневно се борат, по цена на своите животи, и го спречуваат ширењето на агресијата – нагласи украинскиот претседател и додаде дека „рускиот тероризам е заедничка закана за многу земји, но навистина е можно и неопходно да се победи во Украина“. 

МИА