Зверев и Де Минаур во финалето на турнирот во Вашингтон

Бранителот на трофејот на турнирот во Вашингтон, Александар Зверев обезбеди финале откако без проблеми во два сета го совлада Стефано Циципас. 

Негов противник ќе биде Де Минаур од Австралија кој во динамичен меч забележа победа од 2-1против Русинот Александар Рубљев. 

По откажувањето на  Енди Мареј  се отвори шанса за младите тенисери кои се очекува да бидат иднината на овој спорт бидејќи ова ќе биде најмладото финале по 2007 година кога силите ги одмерија Надал и Ѓоковиќ.