20-годишна добитничка на лотарија одби еднократна исплата од 1 милион долари – избра да добива по 1.000 долари неделно до крајот на животот

Дваесетгодишната Бренда Обен-Вега од Канада донела необична одлука откако освоила главна награда на лотарија. Наместо веднаш да добие еден милион канадски долари, таа избрала да прима по 1.000 долари секоја недела до крајот на животот.
Младата девојка од Монтреал ја освоила наградата на лотариската грепка „Gagnant à vie“ („Добитник доживотно“), која на добитниците им нуди две можности – еднократна исплата од милион канадски долари или доживотна неделна исплата од 1.000 долари.
Како што соопштила канадската лотарија „Loto-Québec“ во јули 2025 година, Бренда се определила за втората можност, со што си обезбедила редовни приходи до крајот на животот.
Со ваквата одлука, таа ќе добива 52.000 канадски долари годишно. За нешто повеќе од 19 години вкупната сума ќе достигне еден милион долари, но исплатите нема да престанат тогаш, туку ќе продолжат сè додека е жива.
Доколку прима пари во следните 40 години, вкупно би добила околу 2,08 милиони долари, додека за 60 години сумата би достигнала приближно 3,12 милиони канадски долари.
Според правилата на лотаријата, исплатите се гарантирани најмалку 20 години. Доколку добитничката почине пред истекот на овој период, преостанатите гарантирани исплати ќе им припаднат на нејзините законски наследници.
Бренда открила дека една од нејзините желби е да купи сопствен дом, а редовните неделни исплати ќе ѝ овозможат полесно да ја планира својата финансиска иднина.
Нејзината одлука повторно привлече внимание на социјалните мрежи, отворајќи дискусија за тоа дали е поисплатливо веднаш да се земе милион долари или да се избере сигурен неделен приход до крајот на животот.
Ново на Сител
-

Мајката на претепаната Сара од Охрид тврди: „Барал нож да ја докрајчи, сакал да ја фрли во провалија“
-

Македонските фудбалери ја пречекуваат Словенија во последното коло од Лигата на нации
-

Отпорноста на лекови би можела да убие 39 милиони луѓе во следните 25 години, предупредува СЗО
-

Мицкоски во Брисел на средба со Герт Јан Копман, во фокус европската перспектива на Македонија и реформите
-

МВР со детали за нападот врз 26-годишната Сара: Насилникот доби кривична и мерки на претпазливост
-

Сашко Кедев влезе во Гинисовата книга на рекорди како највозрасен човек кој ги искачил сите 14 врвови над 8.000 метри
-

Претреси во Неготино, пронајдена дрога, приведени две лица
-

„Алта банка“ оди на продажба: Народната банка бара нов сопственик за 95 отсто од акциите
