Авганистанец силувал 11 годишно девојче во училиште за посебни потребни во Кобленц

Германската полиција уапси 20-годишен државјанин на Авганистан под сомнение дека извршил силување врз 11-годишно девојче во училиште за деца со посебни потреби во градот Кобленц, јавуваат локалните медиуми повикувајќи се на обвинителството.

Според официјалните информации од истражните органи, инцидентот се случил во училиштето „Ханс Цулигер“. Осомничениот, заедно со уште едно лице, неовластено влегол во училишниот двор за време на наставата. Случајот, како што се наведува, се случил во тоалетот на објектот, откако 11-годишната ученичка излегла од час. Осомничениот, според истрагата, ја принудил малолетничката на сексуален чин, при што ѝ се заканувал со нож.

Поради шок и страв, девојчето неколку дена не го пријавило настанот. Откако за случајот им раскажало на своите родители, веднаш била известена полицијата.

Осомничениот Насер С. е уапсен и се наоѓа во притвор а обвинителството во Кобленц соопшти дека истрагата е во тек. Во меѓувреме, полицијата трага по неговиот соучесник, кој наводно му помогнал во влегувањето во училишниот комплекс, а се проверува и дали уапсениот е поврзан со други слични кривични дела во регионот.