Британскиот премиер ги поддржува напорите на Трамп за мир во Украина, но смета дека Киев мора да биде вклучен во преговорите
Британскиот премиер Кир Стармер ги поддржува напорите на американскиот претседател Доналд Трамп за прекин на војната во Украина, но напоменува, исто така, дека Киев мора да биде вклучен во преговорите за каков било договор за прекин на борбите, изјави портпаролот на британскиот лидер, цитиран од британските медиуми.
„На Владимир Путин воопшто не може да му се верува, но ние ќе ја поддржиме Украина, претседателот Трамп и европските земји во пресрет на непосредниот почеток на овие разговори“, изјави претставникот на Даунинг стрит.
Според него, „мирот мора да се гради со Украина, а не да ѝ се наметнува. Ние нема да наградуваме агресија, ниту ќе го компромитираме суверенитетот на Украина. Украина ќе одлучи за својата иднина и ние ќе ја поддржиме во ова на секој чекор“, додаде тој.
Трамп в петок на Алјаска ќе се сретне со својот руски колега Владимир Путин. Меѓутоа, Киев стравува дека двајцата лидери може да се обидат да му диктираат услови под кои би се согласил да ги прекине борбите што траат повеќе од три и пол години.
МИА
Ново на Сител
-
Алиу тврди дека одлуката за одземање на ингеренциите за лиценци на Стоматолошката комора е аргументирана
-
Хронично болни и онколошки пациенти меѓу вработените во Флораком кои два месеца немаат плата и здравство
-
СДСМ: Нов скандал во националната агенција Еразмус
-
Манасиевски: Политичкиот прогон на Заев, Спасовски и Ахмети заврши
-
Пуштено во употреба реконструирано одделение на Урологија
-
Вработените во Флораком и Луна на протест поради неисплатени плати
-
За собирањето потписи не независните кандидати ќе разговараат експерти во Министерството за Правда
-
Битиќи: Срам за Владата, работниците и пензионерите не се виновни за поскапувањата