Делегација на Уставниот суд на меѓународна конференција по повод 35 години од основањето на Уставниот суд на Бугарија

Делегација на Уставниот суд предводена од претседателот Дарко Костадиновски и судијата Добрила Кацарска, учествуваат на меѓународната конференција „Улогата на уставните судови во гарантирање на владеењето на правото“ во Софија, Република Бугарија.
Конференцијата, како што информираат од Уставниот суд, се организира по повод 35-годишнината од основањето на Уставниот суд на Република Бугарија.
Се одржуваат три тематски панели посветени на составот и независноста на уставните судови, почитувањето и спроведувањето на нивните одлуки од страна на другите државни органи, како и судската практика на уставните судови во услови на кризни состојби.
На настанот учествуваат повеќе од 50 претставници и делегации на уставни судови и сродни институции од 31 држава од Европа, Азија и Африка, меѓу нив свое обраќање имаа претставници на европските судски институции, меѓу кои и потпретседателот на Венецијанската комисија, Ерик Холмјвик, судии на Судот на правдата на Европската Унија и Европскиот суд за човекови права.
Видеопораки беа презентирани од претседателите на овие два суда, Коен Ленартс и Матија Гијомар.
Со учеството на меѓународната конференција во Софија, делегацијата на Уставниот суд дава придонес во дијалогот за клучните предизвици на современото уставно судство, со посебен акцент на независноста на уставните судови, спроведувањето на нивните одлуки и улогата во обезбедувањето на владеењето на правото.
Конференцијата е можност и за зајакнување на професионалните контакти и соработката со уставносудските институции од Европа и целиот свет.
МИА
Ново на Сител
-

Се подготвуваат законски измени за повратот на ДДВ за компаниите, ќе се прецизираат роковите
-

Минчев: Транспарентноста, отвореноста и отчетноста мора да станат природен начин на работа на институциите
-

Шасивари: Нулта толеранција за насилството врз жените
-

Закани за скопски кошаркар: Порака го чекала на автомобилот во подземна гаража
-

Бугарија доби повик за помош од товарен брод што тоне во Црното Море
-

Кражба во Визбегово, украдени злато, пари и возило на МЕПСО
-

Скопјанец на Бит Пазар физички нападнал сосед и неговата малолетна внука, им се заканувал со остри предмети
-

По повеќечасовна потрага, пронајден планинарот кој исчезна во Мариово
