ЕРТ: Граничниот премин Евзони за влез во Грција дневно го поминуваат околу 25.000 лица
Дневно поминуваат околу 25.000 луѓе и излегуваат околу 15.000, вели за грчката државна телевизија ЕРТ претседателот на полициските службеници од Кукуш (Килкис) Плутархос Елефтериадис за граничниот премин Евзони/Богородица, каде што во одредени денови за влез во Грција се создаваат редици автомобили со туристи, како од нашата земја, така и од државите од регионот, јави дописничката на МИА од Атина.
ЕРТ, во прилогот од граничниот премин коментира дека секојдневно има гужви на Евзони со туристи од Балканот кои ја посетуваат северна Грција, додека пак претседателот на полициските службеници објаснува дека се обидуваат да одговорат на зголемениот проток на возила и посочува дека само во текот на изминатиот викенд околу 50.000 туристи влегле кај јужниот сосед преку конкретниот граничен премин.
Додаде дека оваа година има дополнителен број полициски службеници и се отворени девет шалтери за влез во Грција и шест на излез.
- Позитивно е што оваа година имавме мало зајакнување и ова многу помогна и за да биде одморен полицискиот персонал што работи секојдневно, посочи Елефтериадис.
Според ЕРТ, за време на летната сезона на граничниот премин Евзони ангажирани се полицајци од северна Грција и нивниот број достигнува до 65, а во секоја смена од грчка страна работат 12 до 18 полициски службеници поради зголемениот број туристи.
МИА
Ново на Сител
-
Судењето за Раде Штекли одложено, одбраната вели страда од растројство и има халуцинации и параноидни идеи
-
Делчевчанец и се заканувал на поранешната сопруга и пишувал вулгарни пораки на својата малолетната ќерка
-
Запленет златен накит вреден 1,3 милиони денари кој две жени се обиделе да го шверцуваат на Богородица | ФОТО
-
Славески: Трите големи банки соопштија дека ги намалуваат надоместоците за граѓаните и компаниите
-
Во Прилеп почнуваат чествувањата за Карпалак
-
Аква паркот кај „Борис Трајковски“ затворен поради истечена гаранција на реквизити и економска неисплатливост
-
Кремљ: Путин прифати средба со Трамп
-
Казнети 46 возачи на електрични тротинети