Европската комисија одобри 6,1 милијарда евра помош за одбраната на Украина

Европската комисија денеска одобри помош за одбраната на Украина во вредност од 6,1 милијарди евра.

Со помошта се планира Украина да биде снабдена со нови одбранбени системи, меѓу кои средства за противвоздушна одбрана, ракети, муниција и радари.

ЕУ потсетува дека претходниот пакет помош за Украина беше во вредност од 16 милијарди евра, од кои досега се исплатени 8,35 милијарди евра.

„Додека Русија го засилува интензитетот на нападите, ние ја засилуваме помошта за Украина за да може да ги брани своите граѓани и своето небо. Европа стои рамо до рамо со Украина и ќе го обезбедуваме она што и е потребно, кога и е потребно“, се наведува во изјавата на претседателката на Европската комисија, Урсула фон дер Лајен.

МИА