Фондацијата „Илија Камчев“ донира 300.000 евра за уредување на кејот во Марена

Планирано е целосно уредување на речното корито во селото Марена, при што семејството на бизнисменот Орце Камчев ќе донира околу 300 илјади евра за реализација на проектот. 

Градоначалникот на Кавадарци, Митко Јанчев, истакна дека станува збор за еден од најважните проекти за Марена ,  кој ќе има значително влијание врз локалниот развој.

Камчев нагласи дека иницијативата потекнала од градоначалникот и додаде дека како семејство се задоволни што имаат можност да придонесат за родното место на неговиот татко.

Претседателот на Советот на Општина Кавадарци, Стојанче Рамов, потсети на народната изрека дека секој најмногу му припаѓа на своето место, упатувајќи повик и до други успешни семејства од регионот да вложуваат во својот крај.