Франција стравува од ескалација на протестите, 70.000 полицајци и жандарми распоредени на улиците

Францускиот министер за внатрешни работи Лоран Нуњез ги повика префектите и безбедносните службеници да бидат „особено внимателни“ за време на денешните протести, предупредувајќи на можноста за насилство и радикализација на демонстрациите, објави „Фигаро“.
Нуњез рече дека денешните протести би можеле да добијат на интензитет, и покрај помалата мобилизација минатиот викенд, кога, според Министерството за внатрешни работи, 106.000 луѓе демонстрираа низ цела Франција.
Тој, исто така, посочи на повиците за акција во неколку европски земји, како и на фактот дека 21 ноември се совпаѓа со осмата годишнина од движењето „Жолти елеци“.
Министерот, исто така, предупреди на се повеќе радикализирано протестно движење во средните училишта и универзитетите, како шторече тој, води до сериозни насилни инциденти.
Тој ги повика префектите да обрнат посебно внимание на групите кои се најнепријателски настроени кон полицијата, по дебатата во Сенатот за предлог-законот со кој се воведува претпоставка за легитимна употреба на огнено оружје.
Тој објави дека распоредувањето на полицијата и жандармеријата ќе биде исто како и во претходните саботи, со околу 70.000 припадници на безбедносните сили низ цела Франција.
МИА
Ново на Сител
-

Променливо облачно, во западните делови повремено ќе има засилен ветер
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
