ФБИ повторно цел на хакерски напад; овојпат пробивот насочен кон базаta на податоци за криминал

ФБИ истражува можен хакерски напад врз национална база на податоци што ја користат полицијата и другите безбедносни агенции низ САД за споделување информации за кривични дела и осомничени, јави Си-Ен-Ен, повикувајќи се на извори од истрагата.
Станува збор за база на податоци на Националниот информативен центар за криминал (NCIC), еден од клучните информациски системи на американските безбедносни служби.
Доколку упадот е потврден, тоа ќе биде втор безбедносен инцидент што ги вклучува системите на ФБИ во изминатите месеци.
Базата на податоци на NCIC ја користат федералните, државните и локалните агенции за спроведување на законот низ САД.
Во неа, тие складираат и разменуваат информации за налози за апсење, криминална историја на поединци и податоци потребни за спроведување безбедносни проверки.
Информацијата за можниот упад е објавена по неколку големи кибер и технолошки инциденти што ги загрижија американските претставници во текот на изминатата недела.
Меѓу нив се глобалниот прекин на системите на „Мајкрософт“ и големите прекини во воздушниот сообраќај во САД.
Можниот упад во базата на NCIC не е првиот безбедносен инцидент во кој е вклучено ФБИ оваа година.
Во септември, хакерската група ShinyHunters, позната по дигитална изнуда, упадна во веб-страница што ФБИ ја користи за регрутирање нови вработени.
За време на тој напад, податоците за сегашните и поранешните вработени во ФБИ беа компромитирани.
МИА
Ново на Сител
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
-

ФБИ повторно цел на хакерски напад; овојпат пробивот насочен кон базаta на податоци за криминал
-

Променливо облачно, во западните делови повремено ќе има засилен ветер
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
