Голем интерес за вакцинација против сезонски грип во струмичкиот регион

Голема заинтересираност за имунизација против сезонскиот грип во струмичко валандовскиот регион. 

За пет дена на трите пункта од кои два во Струмица и еден во Валандово вакцина против грип примиле близу 700 лица, а веќе се пополнети и останатите предвидени термини до крајот на неделата.

Од центарот за јавно здравје велат дека структурата на граѓани кои се вакцинираат е различна, интерес има и за бесплатните, но и за комерцијалните вакцини, но најголем е бројот на повозрасните граѓани.

Граѓаните кои се вакцинираа против сезонски грип велат дека на овој чекор се решиле затоа што сметаат дека тоа е најдобриот начин за заштита.

До кога ќе трае имунизацијата ќе зависи од интересот на граѓаните, но и нивната динамика на пријавување. Според процените на центарот за јавно здравје Струмица годинава против сезонски грип се очекува да бидат вакцинирани околу 1500 лица.