Хезболах ноќеска истрелал 50-тина ракети врз северен Израел, повеќето биле соборени од „Железната купола“
Проиранското либанско шиитско движење Хезболах рано утринава соопшти дека истрелало десетици ракети врз Беит Хилел во северен Израел.
Групата во соопштението напиша дека „како одговор на нападите на израелскиот непријател врз непоколебливите јужни села и безбедните куќи, особено нападите насочени кон селата Кафр Кила и Деир Сарџан и повредените цивили, Исламскиот отпор (Хезболах) за првпат го погоди Беит Хилел со десетици ракетни качуши“.
Според израелските медиуми, повеќето од ракетите беа пресретнати од израелскиот противракетен систем „Железна купола“.
Либански безбедносни извори соопштија дека од Либан врз северен Израел биле истрелани околу 50 ракети.
Од неодамна дојде до значително влошување на ситуацијата во односите меѓу Израел и Либан.
По целните убиства на воениот командант на Хезболах, Фуад Шукра, и на шефот на Хамас, Исмаил Ханија, претходно оваа недела, лидерот на Хезболах Хасан Насрала вети одмазда.
Од избувнувањето на војната во Газа, секојдневно има гранатирање меѓу Хезболах и израелската армија, што резултираше со смртни случаи на двете страни.
Ново на Сител
-
ЦУК: Активни 11 пожари, еден под контрола
-
Потпишан договор за грант од 5,5 милиони евра за енергетска реконструкција на студентски домови
-
Најмалку осуммина повредени во невремето што попладнево го погоди Белград
-
ЕК за концертот на Томсон: Го осудуваме секој израз на фашизам, членките на ЕУ да го казнат говорот на омраза
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите
-
Можни прекини во водоснабдувањето во Општина Чаир и Железара поради прекин на електрична енергија