ХИВ во пораст: 11 нови случаи во јули, меѓу нив и 20-годишник

Во јули во државава се регистрирани 11 нови случаи на ХИВ/СИДА, од кои девет се мажи и две се жени.

Станува збор за лица на возраст од 20 до 49 години, покажуваат податоците од најновиот билтен за движењето на акутните заразни заболувања.

Според податоците, од 1987 до 2026 година во Северна Македонија се евидентирани вкупно 765 лица со ХИВ/СИДА. Од нив, 141 лице починало, 508 лица живеат со ХИВ/СИДА, додека 116 лица се водат како изгубени за следење.

Дополнително, евидентиран е по еден случај на гонореја, инфекција со хламидија и вирусен хепатитис Ц.