Хуманитарна помош од два милиона евра од ЕУ за Непал

Европската Унија издвои два милиона евра хуманитарна помош за жртвите од катастрофалните поплави во кои загинаа повеќе од 500 луѓе во Непал.

– Гледаме патишта однесени од вода. Села отсечени од светот. Семејства кои бараат исчезнатите. Поплавите во Непал ги потресоа заедниците кои сè уште закрепнуваа од минатите катастрофи, изјави комесарката на ЕУ за управување со кризи, Хаџа Лабиб.

Таа истакна дека доделените средства се наменети за покривање на итни потреби за здравствена заштита, храна, засолништа и вода.

Во меѓувреме, Европска комисија соопшти дека партнерските организации финансирани од ЕУ веќе обезбедуваат помош на терен.

МИА