Илјадници обожаватели се простија од Ози Озборн
Илјадници обожаватели се собраа денеска во родниот град на Ози Озборн, Бирмингем, за да му оддадат последна почит.
Ози Озборн почина на 22 јули на 76-годишна возраст, а погребната поворка помина низ центарот на градот, придружена од звуците на неговите најпознати песни и емотивни реакции на собраните фанови.
Поворката тргна од Broad Street и се задржа кај клупата и мостот посветени на бендот Black Sabbath — место кое во последните денови стана симбол на сеќавање, преполно со цвеќе, писма и пораки. Во едно од возилата во колоната беше целото семејство Озборн.
Семејството во еден момент излезе од автомобилот за да им се поклони на обожавателите и да го види сето она што е оставено во чест на Ози.
Градоначалникот на Бирмингем, Зафар Икбал, изјави: „Ози не беше само музичка легенда — тој беше син на Бирмингем. По концертот ’Враќање на почетокот‘ и доделувањето на почесната титула Слобода на градот, сакавме уште еднаш да му се оддолжиме, на начин каков што заслужува. Знаеме колку ова значи за неговите фанови.“
По смртта на Ози, Кели Озборн изјави: „Изгубив најдобар пријател …“
Ози Озборн беше еден од највлијателните музичари во историјата на рокенролот, познат како основач и пејач на бендот Black Sabbath, кој во 1970-те ги постави темелите на хеви метал звукот. Во бендот беше од 1968 до 1978 година, а хитови како „Iron Man“, „Paranoid“ и „Changes“ станаа химни на генерации.
По заминувањето од групата, Озборн изгради успешна соло кариера со песни како „Crazy Train“, „Mr. Crowley“ и „No More Tears“. Беше познат и по своето ексцентрично однесување — најпознат е настанот кога на настап одгриза глава од лилјак, со што дополнително го зацврсти статусот на симбол на шок-рокот.
Само две недели пред смртта, Ози настапи за последен пат со Black Sabbath, на концерт на кој настапија и Guns N‘ Roses, Metallica и други изведувачи. Иако со години се бореше со Паркинсонова болест и последици од пад во 2019 година, никогаш не се откажа од сцената.
МИА
Ново на Сител
-
Во стан во Велес пронајден мртов маж
-
Ангелов со апел за внимателност за Илинденските празници за да не се предизвикаат пожари
-
Кривична за гостиварец кој објавувал приватни фотографии со сексистички содржини од лажен профил
-
Три лица загинаа во тешка сообраќајка на автопатот Скопје - Тетово
-
ОЈО Битола доби нов Истражен центар за борба против најтешките и најсериозните облици на криминал
-
Николоски: Клучната разлика меѓу оваа и претходната влада е што сега се испорачуваат резултати, откочени се проектите од коридорите 8 и 10
-
Мицкоски: Тоа што не успеаја Тодор Живков и други бугарски политичари со Македонија успеа во време на СДСМ
-
До 13 часот изгаснати четири пожари, еден активен во Берово