Имаат само 16 и 17 години, а покажаа голема хуманост: Лука и Дони израдуваа првачиња во Бутел
Младите Лука Јоакимовски (16) и Дони Божинов (17), кои се дел од организацијата на Меморијалниот турнир „Златко Божинов – Божо“, реализираа хуманитарна акција во пресрет на новата учебна година.
Тие донираа училишни ранци и комплетен училишен прибор за првачињата од македонската паралелка во ООУ „Панајот Гиновски“ во Општина Бутел.
Во рамки на хуманитарната акција биле обезбедени и дополнителни пакети за семејство од скопската населба Чаир.
Лука и Дони веќе петта година учествуваат во организацијата на Меморијалниот турнир „Златко Божинов – Божо“, кој се одржува во спомен на Златко Божинов.
Со оваа акција младите организатори сакаат да испратат порака дека спортот и заедништвото можат да бидат поттик и за хуманост и помош на оние на кои им е потребна.
Нивната иницијатива е уште еден пример дека и младите можат активно да придонесуваат во заедницата и преку мали, но значајни дела да направат разлика.




Ново на Сител
-

Рокот на спорните серии на БСЖ во Македонија истекол во јуни годинава - нема ниедна несакана реакција
-

Вакцинацијата против грип ќе почне кон крајот на октомври
-

Измени за Законот за животна средина
-

Три години по нападот на Хамас врз Израел, како се смени безбедноста на еврејските заедници?
-

Пакетот закони за реформи на администрацијата и за минимална плата од 600 евра пред пратеници
-

Мицкоски: Само со дијалог може да го надминеме спорот со Бугарија
-

Македонија ќе добие вакцини БСЖ со помош на УНИЦЕФ
-

Премиерот Мицкоски очекува стапката на раст на цените да остане помеѓу најниските во регионот
