Инфантино не е вистинскиот човек да ја предводи ФИФА, порача британскиот премиер

Британскиот премиер Енди Бернам изјави синоќа дека претседателот на ФИФА, Џани Инфантино, не е вистинскиот човек да го предводи светскиот фудбал.
Реакцијата на официјален Лондон доаѓа откако контроверзниот план предложен од Инфантино за продажба на удел од комерцијалните права на идните светски првенства на приватни инвеститори пропадна по жестоки критики од целиот свет.
„Не верувам дека тој е вистинскиот човек да го води фудбалот напред на светската сцена. Планот што беше предложен беше навредлив за многу луѓе, луѓе од фудбалот ширум светот, и не можеме само да продолжиме понатаму и да заборавиме на тоа. Едноставно кажано, тоа не беше прифатливо“, рече Бернам.
Планот на Инфантино наиде на жесток отпор од УЕФА која минатата недела едногласно порача дека ќе ги бојкотира мундијалските турнири во иднина, а КОНКАКАФ и Азиската фудбалска конфедерација, исто така, објавија дека се противат на планот.
Изборот за претседател на ФИФА ќе се одржи во март идната година во, а крајниот рок за пријавување кандидати за претседателската трка истекува на 18 ноември, точно четири месеци пред гласањето.
МИА
Ново на Сител
-

Србија гласа на вонредни парламентарни избори
-

Претседателски избори во Бугарија, 6,59 милиони граѓани со право на глас, фаворити Јотова и Ѓуров
-

И во Македонија денеска се гласаше за изборите во Србија и Бугарија
-

Цените на горивата со нов рекорд - по какви цени ќе се точи од утре?
-

СДСМ: Симе не е во затвор, повторно е со Мицкоски, пуштен е да работи за ВМРО-ОКГ во Брвеница
-

Филипче лаже за анкетите, лаже и за тоа дека има автомобил од 6.000 евра, за што уште лаже Венко?
-

Србија утре избира нов парламентарен состав
-

Тема на денот со д-р. Драган Даниловски, епидемиолог
