Јакимовски уште еднаш го прозва заев каде да му ги достави парите од пресудата

Претседателот на ГРОМ Стевчо Јакимовски уште еднаш го повика лидерот на СДСМ Зоран Заев да каже каде да му ги достават парите за судска пресуда изречена во струмичкиот суд. Претседателот на струмичкиот огранок на партијата Сашо Милковски треба да плати 5000 евра казна за навреда на честа и угледот на Заев како и за претрпена душевна болка за јавно коментирање на снимаката на која се гледа како градоначалникот на Струмица бара поткуп од 200 илјади евра од струмички бизнисмен.

-Ако господинот Заев не ни каже каде да ги уплатиме овие средства, јас однапред се извинувам лаик сум за медицина, но колку што знам душевна болка се лечи или во Бардовци или во Демир Хисар, или во тој случај ние овие средства ќе ги уплатиме на една од овие две установи или ќе ги поделиме парите, изјави  Стевчо Јаљкимовски, претседател на ГРОМ.

Според Јакимовски во судот Заев јавно ја признал видео снимката, па одтука за ГРОМ има недоимици.

-Дали судијката Лидија Аризанкова со оваа пресуда јавно ја опструира г-ѓата Катица Јанева исо ова практично и ги врза рацете за натаму да ја истражува аферата Пуч бидејќи видео снимката ја снета за нерелевантна, додаде претседателот на ГРОМ Јакимовски.

Претседателот на ГРОМ праша дали судијката и ЗАЕВ почитуваат само партиски судови и дали за нив е релевантен само судот во Струмица, а специјалното обвинителство било само обична желботека за опстанок на политичката сцена и да се одолговлекува и опструира договорот од Пржино, констатира Јакимовски.