Кац: Израел го напаѓа Техеран директно со „stand-in“ муниција по воспоставувањето воздушна надмоќ

Израелскиот министер за одбрана Израел Кац изјави дека израелските воздухопловни сили го напаѓаат Техеран со „stand-in“ муниција, што подразбира бомби исфрлени директно над нивните цели.

– За прв пат во операцијата „Рикачки лав“ (Roaring Lion), воздухопловите оперираат во ’stand-in‘ режим на небото над Техеран во моќен удар против целите на режимот и репресијата – изјави Кац.

Во вчерашните израелски напади врз Техеран било користено „stand-off“ оружје, кое се лансира од далечина и генерално има помали боеви глави.

Способноста за лансирање „stand-in“ бомби доаѓа откако војската соопшти дека воспоставила воздушна надмоќ и го „отворила патот кон Техеран“.

Кац вели дека сега во Техеран ќе се случуваат „континуирани моќни удари“.

Терминот „stand-in“ во воената терминологија означува напади извршени од внатрешноста на непријателскиот воздушен простор, додека „stand-off“ означува напади од безбедна оддалеченост надвор од дострелот на непријателската одбрана.

МИА