Косовскиот парламент не успеа да се конституира нитy по 45-ти пат

Собранието на Косово ниту во 45-тиот обид не успеа да формира комисија за тајно гласање за избор на претседател на парламентот.
Од вкупно 93 присутни пратеници, само 49 гласаа за формирање на комисијата, што не беше доволно за усвојување на предлогот.
Пратеникот на Демократската партија на Косово, Абелард Тахири, реагираше откако претседавачот Авни Дехари ја повика најголемата опозициска партија да предложи член за комисијата. Пред неговиот микрофон да биде исклучен, Тахири изјави дека ова е 45-ти пат како Дехари „го прекршува Уставот на Косово“.
Пратеникот на Демократскиот сојуз на Косово, Екрем Хусени, му предложи на Дехари да се врати на дневниот ред и да ја почитува одлуката на Уставниот суд, додека пратеничката на Алијансата за иднината на Косово, Тајмe Кадриај, оцени дека „се работи за намерна блокада на седницата“.
По прекинот на седницата, пратениците од трите опозициски партии останаа во собраниската сала во знак на протест, обвинувајќи ја победничката партија дека не ја спроведува пресудата на Уставниот суд.
Ново на Сител
-

Николоски: Целосна реконструкција на патот Валандово-Струмица, следната година активности за патот кон Дојран
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
