Костадиновски: Почитувањето на Уставот е чин на највисок патриотизам и љубов кон татковината

Претседателот на Уставниот суд, Дарко Костадиновски, упати честитка до сите граѓани по повод 17 ноември – Денот на Уставот и 35-годишнината од неговото донесување.
Во честитката, Костадиновски повика на заедничка посветеност кон уставните вредности, нагласувајќи дека силата на Уставот не се состои само во неговите одредби, туку и во колективната свест, одговорноста и посветеноста на граѓаните кон вредностите што ги гарантира.
-Овој значаен јубилеј е потсетник дека силата на Уставот не лежи само во неговите одредби на хартија, туку и во нашата колективна свест, одговорност и посветеност кон вредностите коишто тој ги гарантира.
Лојалноста кон Уставот е наша заедничка должност, а почитувањето на уставните вредности е чин на највисок патриотизам и љубов кон татковината - истакнува Костадиновски.
Тој посочува дека изградбата на правна држава во која владеат правото, правдата и еднаквоста е обврска на секоја генерација.
Тоа, како што истакнува претседателот на Уставниот суд, е најдостоинствениот начин да го почитуваме заветот на нашите предци и да обезбедиме иднина за поколенијата кои доаѓаат после нас.
-Да бидеме генерација која со своите дела ќе ја потврди својата верност кон Уставот и ќе придонесе за изградба на слободна, демократска и просперитетна држава. Нека ни е честит Денот на Уставот - нагласува Костадиновски.
МИА
Ново на Сител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
-

„Сите ќе умреме уште вечерва“ – Цанов објави пораки од Ива Михаилова и мајка ѝ во кои го молат да ги избрише снимките
-

Во Македонија има поголем удел на странски студенти отколку во ЕУ, секој десетти студент е странец
-

Димоглиду за иранската мрежа: Главниот товар на истрагата го имаа безбедносните служби на Северна Македонија
-

Девет медали за македонските кикбоксери на Европското првенство, Федерацијата реагира на судиски неправди
-

„Енвидија“ нема да го врати Џенсен Хуанг на функцијата извршен директор
