Кремљ: Разговори меѓу Русија и САД откако амбасадите ќе бидат во функција

Малку е веројатно дека преговорите меѓу Русија и САД за Украина ќе започнат додека дипломатските претставништва на двете земји не почнат да работат со полн капацитет, изјави портпаролот на Кремљ, Дмитриј Песков.

На прашањето кога се очекува да започнат овие преговори, Песков рече дека тоа е малку веројатно додека амбасадите не бидат целосно оперативни.

На 27 февруари во Истанбул се одржа руско-американски состанок посветен на проблемите во работата на амбасадите во Москва и Вашингтон.

Руското Министерство за надворешни работи објави дека страните покренале прашања во врска со рускиот дипломатски имот во САД во контекст на враќање на руската страна шест имоти „незаконски запленети во периодот од 2016 до 2018 година“.