Либанскиот претседател Аун ги осуди израелските напади врз Иран и повика меѓународната заедница да преземе мерки

Претседателот на Либан, Џозеф Аун денеска остро ги осуди израелските напади врз Иран, посочувајќи дека нападите „не се насочени само против иранскиот народ, туку и против меѓународните напори за одржување на стабилноста на Блискиот Исток и соседните земји“, пренесува либанска новинска агенција.

Аун предупреди дека таквата агресија има за цел да „ги поткопа тековните иницијативи за посредување кои постигнаа значителен напредок кон постигнување реални и праведни решенија за да се избегне заканата од регионална војна“.

Тој ја повика меѓународната заедница да преземе итни и ефикасни мерки за да го спречи Израел да ги постигне своите цели, кои тој ги опиша како навистина опасни доколку им се дозволи да се спроведат. Аун изрази сочувство до иранското раководство за загубата на животите на војници и цивили за време на нападите и им посака брзо закрепнување на повредените.