Макрон: Нема оправдување за нападите врз цивилното население во конфликтот меѓу Израел и Иран

Францускиот претседател Емануел Макрон изјави дека нападите врз цивилите и цивилната инфраструктура мора веднаш да престанат во конфликтот меѓу Израел и Иран, кој трае една недела.

Макрон изјави дека Техеран треба да покаже подготвеност да се врати на преговарачката маса во врска со својата нуклеарна програма.

„Веќе неколку дена, Франција има јасен, едноставен глас: нема оправдување за нападите врз енергетската инфраструктура и цивилното население“, им рече тој на новинарите кога пристигна на аеромитинг во Париз.