„Мет-гала“: Ријана третпат бремена

Познатата пејачка и дизајнерка од Барбадос, Ријана откри дека го очекува своето трето дете со партнерот АСАП Роки – покажувајќи го својот труднички стомак на црвениот тепих на „Мет-галата“ за 2025 година. Пејачката се појави во скратена сако-јакна, на Марк Џејкобс, волнен корсет и здолниште со пруги и висок шлиц, како и со интересен детаљ во форма на друга јакна.
Сѐ тоа, таа го надополни со високи потпетици, елегантна пунџа-фризура, впечатлива голема шапка и вратоврска со точки.
-Облеката на Ријана вечерва… Не знам, само некако нека не ѝ го покрива трудничкиот стомак, изјави Роки, кој со пејачката ги има синовите РЗА (3) и едногодишниот Рајот.
Раперот АСАП Роки, инаку, беше еден од домаќините на настанот оваа година, заедно со Колман Доминго, Луис Хамилтон и Фарел Вилијамс. Секако, тој пристигна порано, а Ријана, како што се вели – во нејзин стил, доцнеше на најголемата модна ноќ во годината во САД и во светот.
Раперот носеше црн костум на „Авге“ по нарачка и јакна од „Мармот“, надополнето со чадор од брендот „Бриони Рејмонд“ со рачка во облик на пиштол, покриена со дијаманти.
Темата на овогодишната „Мет-гала“ во Њујорк, беше „Суперфини: Кроење во црнечки стил“. Тоа значи: Гостите требаше да го претстават стилот на афроамериканските мажи од 18 век до денес.
Ново на Сител
-

Собраниската надзорна расправа за Алта банка продолжува следната недела
-

Тема на денот со Горан Марковиќ, главен извршен директор на Македонски Телеком
-

Декларација за мир потпишана на историската средба меѓу претседателите на САД, Русија и Кина
-

Истражните органи влегоа во Макстил – Се проверува дали фабриката загадува надвор од дозволените параметри
-

Со акциски план ќе се бара решение за неконтролираното движење кравите низ Крива Паланка
-

„Блокадата е во Скопје, а не во ЕУ“, оценува директорот за проширување на Унијата
-

Институтот за историја одбележува 80 години постоење
-

Германија ја преполовува квотата за работници од Западен Балкан, помалку места и за Македонците
