Министерот Андоновски на првиот академски час на „Еуропа Прима“ и одбележувањето на 20-годишниот јубилеј

Интернационалниот универзитет „Еуропа Прима“ денеска со свечен прв академски час ќе ја почне академската 2026/27 година и ќе го означи стартот на одбележувањето на 20 години од своето постоење.
Свеченоста ќе се одржи во Кинотеката на Македонија со почеток во 12 часот, а на неа е најавено обраќање на министерот за дигитална трансформација Стефан Андоновски.
Пред новата генерација студенти ќе се обрати и ректорот на Универзитетот, проф. д-р Александар Трајковски, кој ќе ги поздрави бруцошите и ќе ги претстави студентите што во изминатата година освоија значајни меѓународни признанија на театарски и филмски фестивали.
Во рамки на настанот, проф. Златко Шумковски од Универзитетот во Келн ќе ги претстави насоките за натамошниот развој на соработката меѓу Македонија и Германија во областа на дигиталните медиуми.
На свеченоста ќе присуствуваат и гости од повеќе странски универзитети со кои „Еуропа Прима“ соработува преку програмата „Еразмус+“, како и претставници на Фестивалот на Југоисточна Европа, кој Универзитетот го организира во Париз, Берлин и Вашингтон.
Според организаторите, на крајот од настанот свечено ќе им бидат врачени индексите на студентите од новата генерација.
МИА
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
