Министерот Трипуновски очекува да се намали увозот на храна

Очекуваме во наредниот период да се намали увозот на храна,  рече денеска министерот за земјоделство, шумарство и водостопанство Цветан Трипуновски, на новинарско прашање на прес-конференцијата на која даде отчет за сработеното во првата година од мандатот. 

Според Трипуновски, има сериозни резултати од првичните чекори што биле преземени изминатата година, а најголем дел од земјоделското производство има прогрес во квантитетот и откупната цена. 

Со извозот на пролетната зелка, укажа министерот,  само од една откупна сезона имаме двизен прилив од 30 милиони евра, што значи дека домашната потрошувачка е задоволена и плус сме извезле надвор од државата. Упати и на податоците од Државниот завод за статистика дека извозот на земјоделските производи, во првиот квартал годинава во однос на истиот квартал лани, бележи раст од пет проценти или околу 11 милиони евра повеќе.

- Верувајте дека за една годна не може да се врати во нормала тоа што е десет години е деградирао. Имаме сериозно зголемување и кај останатите земјоделски култури, имаме зголемување на површините под јачмен и под пченица. За потсетување, во минатото гледавме како еден премиер и министер излегуваа на прес-конференција и кажуваа дека е успех тоа што е увезена пченица од Србија.  Како и минатата и оваа година работиме преку конкретни мерки  да го зголемиме прозводството на пченица како еден од постратешките призводи. Интенцијата и показателите се дека веќе во најголем дел од земјоделското производство имаме прогрес во квантитетот и опткупната цена, што нормално треба да биде на задоволство на земјоделците бидејќи тоа е дополнителен стимул да влезат во процесот на зголемување на површините и во делот на продажбата. Истото е и кај тутунот и кај другите култури. Она што мене ме радува е дека првичните чекори што беа преземени изминататата година навистина покажуваат сериозни резултати, рече Трипуновски.

Во отчетот министерот истакна дека се извезени околу 13.000 тони јаболка во првите два месеца годинава, за 82 проценти повеќе од истиот период лани, зголемена е откупната цена на тутунот од 375 на 400 денари, а на субвенцијата од 80 на 100 денари, како и за најзастапените вински сорти грозје, Вранец (20,8 денари за килограм) и Смедеревка (18,3 денари за килограм).

Исплатени се над девет милијарди денари заостанати и тековни субвенции на над 70 000 земјоделци. Зголемени се површините под јачмен и пченица. Склучени се над 2.100 договори за распределба на земјоделско земјиште на површина од 5.942 хектари.

Со новиот Предлог закон за земјоделство и рурален развој, за кој во изминатиот период се одржа јавна расправа, ТРипуновски рече дека заедно со земјоделците, земјоделските задруги и научната фела ќе изградат цврст темел за развој на земјоделството, бидејќи токму во овој закон се дефинираат насоките по кои ќе треба да се движи земјоделскиот сектор во државава.

- Нашата заложба е да креираме мерки и политики кои ќе го придвижат земјоделскиот сектор во вистинска насока, да станеме земја којашто ќе го зголеми производството на храна, ќе го зголемиме извозот на земјоделски производи, но и да се храниме со наши земјоделски производи, рече Трипуновски.