Мисајловски: Ги цениме германската поддршка и партнерство во развојот на нашата Армија

Министерот за одбрана Владо Мисајловски попладнево на Фејсбук информираше дека во Министерството за одбрана остварил средба со началникот на Генералштабот на германските вооружени сили, генералот Карстен Бројер, кој е во официјална посета на нашата држава.

- Разговаравме за нашата одбранбена соработка која се темели на доверба, заеднички вредности и посветеност кон колективната одбрана, како и за можностите за нејзино понатамошно унапредување и продлабочување. Германија е наш докажан пријател и сојузник и во моментов работиме на заеднички проекти кои се од особено значење за Македонската армија и за зајакнување на одбранбените способности. Особено ја цениме германската поддршка и партнерство во развојот на капацитетите на нашата Армија - пишува во објавата на Фејсбук.

МИА