МВР распиша меѓународна потерница по лицето кое избега од Полициската станица во Кочани

Министерството за внатрешни работи распиша меѓународна потерница по 41-годишниот Александар Лазаров од Кочани, кој се бара поради бегство од Полициската станица во Кочани.

Според информациите од МВР, Александар Лазаров е баран по централна и меѓународна потерница, распишана по барање на Основниот суд во Кочани.

Потерницата е распишана поради сторено кривично дело по член 215 став 1 во врска со член 22 од Кривичниот законик.

Надлежните институции преземаат мерки за пронаоѓање и лишување од слобода на лицето.