Најдобриот македонски атлетичар Дарио Ивановски ќе ја унапредува физичката подготвеност на војниците

Македонскиот атлетски шампион Дарио Ивановски е ангажиран во Министерството за одбрана, соопшти министерот Владо Мисајловски.

Ивановски, кој е најдобриот македонски атлетичар и рекордер во повеќе дисциплини, своето знаење, искуство и професионален пристап ќе ги пренесе во работата со припадниците на Армијата.

Според Мисајловски, ангажманот на Ивановски ќе биде насочен кон унапредување на физичката подготвеност на армискиот состав, како и негово дополнително вклучување во работата на Советот на воени спортови.

„Со својот труд, истрајност и посветеност, Дарио Ивановски е пример за сите генерации и доказ дека со вистински вредности се постигнуваат големи резултати“, порача Мисајловски, упатувајќи му желби за успех во новиот професионален ангажман.